21-noyabr kuni Toshkentning Zargarlik ko‘chasidagi magistral issiqlik tarmog‘ida yuzaga kelgan nosozlik tufayli qator manzillarda issiqlik ta’minoti vaqtincha to‘xtatiladi. Bu haqda “Toshissiqquvvati”ga tayanib, poytaxt hokimligi matbuot xizmati xabar berdi.
Foto: “Daryo”
Quyidagi manzillarda issiqlik ta’minoti vaqtincha to‘xtatiladi:
- Qizil Sharq mavzesi;
- Al-Xorazmiy mavzesi;
- Chilonzor-18, 19, 20 mavzelari.
Bunda boshqa barcha xonadonlarda issiq suv ta’minoti saqlanib qoladi. Ayni vaqtda issiqlik ta’minotini tezkorlik bilan tiklash bo‘yicha barcha choralar ko‘rilmoqda. Poytaxt hokimligi yuzaga kelgan noqulayliklar uchun aholidan uzr so‘raydi.
Eslatib o‘tamiz, 20-noyabr kuni Toshkentning Olmazor tumani Shimoliy Olmazor ko‘chasidan o‘tgan issiqlik tarmoqlari quvurida avariya yuzaga kelganligi sababli qator aholi xonadonlari va ijtimoiy soha obyektlariga vaqtincha issiqlik energiyasi yetkazib berish to‘xtatilgandi.
