Mercedes-AMG GT Black Series kupesi — nemis markasi tarixidagi eng kuchli avtomobil — Nyurburgringda seriyali avtomobillar o‘rtasida mutlaq rekordni o‘rnatdi. Bu haqda avtomobil ishlab chiqaruvchining matbuot xizmati ma’lum qildi.
Avtomobilni FIA GT yordamida jahon rekordi va “24 soatli Nyurburgring” sutkalik marafoni g‘olibi, shuningdek, 2017-yilda DRM kuzovli seriyasining Moskva bosqichi g‘olibi, nemis poygachisi Maro Engel boshqargan.
Engel 20,8 kilometrli trassani 6 daqiqa 43,616 soniyada bosib o‘tishga muvaffaq bo‘lgan. Bu Italiyaning Lamborghini Aventador SVJ superkari tomonidan 2018-yilda o‘rnatilgan rekorddan bir soniyaga kamroq.
Poygachi “Kessenxen” burilishida soatiga 270 kilometr, “Dottinger Xoxe” to‘g‘ri yo‘lida esa 300 kilometr tezlikdan oshgan. “Bu GT3 klassida bellashadigan poyga mashinamdan ko‘ra sezilarli darajada tezroq”, — deydi Engel.
Kompaniya tarixida eng kuchli avtomobilga aylangan Mercedes-AMG GT Black Series 2020-yilning yozida taqdim etilgan. Superkarga 730 ot kuchi va 800 Nm aylanuvchi momentga ega V8 tvin-turbodvigateli o‘rnatilgan.
Shuningdek, model coil-over’li “podveska” va AMG Ride Control amortizatorlari bilan jihozlangan. Bundan tashqari, mashina GT3 va GT4 qayta ishlangan aerodinamik “obves”ga ega.
Mercedes-AMG GT Black Series kupesi dastlabki 100 km/soat tezlikka 3,2 soniyada, 200 km/soatga esa 9 soniyada erishadi. Maksimal tezligi — 325 km/soat.
Eslatib o‘tamiz, 2020-yilning iyun oyida Amerikadagi Specialty Vehicle Engineering (SVE) cheklangan nusxada yaratilgan o‘rta o‘lchamli dunyodagi eng tezkor pikap — Syclone’ni taqdim etgandi.
Izoh (0)