Noqulay ob-havo sharoiti sababli 19-noyabr sanasidagi Toshkentdan qatnaydigan barcha shaharlararo avtobus qatnovlari bekor qilindi. Bu haqda “Toshkent avtovokzali” matbuot xizmati xabar berdi.
Shu kunga qadar poytaxtdan quyidagi yo‘nalishlar bo‘yicha avtobuslar harakatlanayotgan edi:
- Toshkent—Jo‘sh—Nurota;
- Toshkent—Navoiy;
- Toshkent—Xatirchi;
- Toshkent—Qorako‘l;
- Toshkent—Mirbozor;
- Toshkent—Mang‘it;
- Toshkent—O‘smat;
- Toshkent—Qarshi;
- Toshkent—Nukus;
- Toshkent—Samarqand;
- Toshkent—Urganch;
- Toshkent—Zomin;
- Toshkent—Uzun;
- Toshkent—Buxoro;
- Toshkent—Xiva;
- Toshkent—Denov;
- Toshkent—Termiz.
Avvalroq “O‘zgidromet” Toshkent viloyatida havo o‘zgarib turishi, kechasi va ertalab ba’zi joylarda biroz qor yog‘ishini ma’lum qilgandi. Ta’kidlanishicha, O‘zbekistonda 18-noyabrda boshlangan noqulay ob-havo sharoiti yana ikki kun davom etishi mumkin.
Izoh (0)