Shavkat Mirziyoyev 19-noyabr kuni qurilish sohasiga oid loyihalar bilan tanishar ekan, Samarqand viloyatidagi Imom Buxoriy majmuasini jahon andozalari darajasida sifatli qurish, ziyoratchilarga qulayliklarni oshirish bo‘yicha qator ko‘rsatmalar berdi.
Samarqand viloyatidagi Imom Buxoriy yodgorlik majmuasini rekonstruksiya qilish va kengaytirish rejalashtirilgan. Prezident Mirziyoyev viloyatga tashrifi vaqtida bu ishlarni chuqur o‘ylab loyihalashtirish zarurligini ta’kidlagan edi.
Shu asosida loyiha qayta ko‘rib chiqilib, takomillashtirildi. Unga ko‘ra, katta masjid, to‘rtta minora va keng ayvonlar qurish, xiyobon, uning atrofida mehmonxonalar hamda boshqa infratuzilma obyektlari barpo etish ko‘zda tutilgan.
“Prezident taqdimot bilan tanishar ekan, ziyoratchi va boshqa sayyohlar uchun qulayliklarni kengaytirish bo‘yicha topshiriqlar berdi”, — deyiladi Prezident matbuot xizmati axborotida.
Izoh (0)