Buxoro viloyatida piyodalar o‘tish joyidan yo‘lni kesib o‘tayotgan ota-bolani Lacetti katta tezlikda urib ketdi, deya xabar bermoqda YHXBB.
Ma’lum qilinishicha, 2020-yil 18-noyabr kuni soat taxminan 20:25 larda fuqaro o‘z boshqaruvida bo‘lgan Lacetti avtomashinasini Buxoro shahar hududidan o‘tuvchi Jomiy ko‘chasi bo‘ylab Avtomobil va yo‘llar kolleji yo‘nalishida boshqarib ketayotgan bo‘lgan.
U shu yo‘lning o‘ng tomonida joylashgan bekat ro‘parasidagi piyodalar o‘tish yo‘lagidan kesib o‘tayotgan piyodalar 2010-yilda tug‘ilgan voyaga yetmagan bola va 1983-yilda tug‘ilgan Xorazm viloyati Qo‘shko‘pir tumani “Hosiyon” qishlog‘ida yashovchi fuqaroni avtomashinasining old qismi bilan urish natijasida YTH sodir qilgan.
Oqibatda piyodalar og‘ir tan jarohati olib Respublika shoshilinch tez tibbiy yordam ilmiy markazi Buxoro filialiga yotqizilgan.
Ko‘rsatilgan muolajalarga qaramasdan voyaga yetmagan fuqaro shifoxonada vafot etgan. Ikkinchi piyoda bosh suyagining sinishi og‘ir ahvolda jonlantirish bo‘limida davolanmoqda.
Avvalroq Farg‘onada Spark daraxtga urilishi natijasida haydovchi va yo‘lovchi vafot etgani, Samarqandda turkiyalik haydovchi urib yuborgan mast piyoda halok bo‘lgani hamda Farg‘onada Damas’ni ruxsatsiz haydagan 11 yoshli bola 2 yashar qizning o‘limiga sababchi bo‘lgani haqida xabar beran edik.
Izoh (0)