Osiyoning bir qator terma jamoalari 17-noyabr, seshanba kuni o‘rtoqlik uchrashuvlarida ishtirok etdi.
JCh—2022 saralash bosqichida O‘zbekiston terma jamoasi bilan bir guruhdan joy olgan Saudiya Arabistoni o‘z maydonida Yamaykani qabul qildi. Dastlab saudiyaliklar Abdulloh al-Hamdanning golidan keyin oldinga o‘tib oldi. Bunga mehmonlar Deniel Jonson va Yovan Istning gollari bilan javob qaytardi.
Qayd etish joiz, Saudiya Arabistoni 14-noyabr kuni ham Yamaykaga qarshi bahs olib borgan va unda 3:0 hisobidagi g‘alabani qo‘lga kiritgandi.
Janubiy Koreya va Qatar terma jamoalari Avstriyadagi yig‘in doirasida o‘zaro bahs yuritdi. Uchrashuvning ilk daqiqasidayoq Hvan Hi Chan koreyaliklarni oldinga olib chiqqan bo‘lsa, 10-daqiqada Almoiz Ali muvozanatni tikladi.
36-daqiqada Hvan Ui Jo nominal mezbonlarning ikkinchi golini urdi. Qolgan vaqtda hisob o‘zgarmadi.
Mavzuga doir: O‘zbekiston terma jamoasi Iroqqa ham yutqazdi
O‘rtoqlik uchrashuvlari
17-noyabr, chorshanba
Saudiya Arabistoni — Yamayka 1:2
Gollar: 1:0 – 29 al-Hamdan, 1:1 – 34 Jonson, 1:2 – 64 Ist.Janubiy Koreya — Qatar 2:1
Gollar: 1:0 – 1 Hvan Hi Chan, 1:1 – 10 Almoiz Ali, 2:1 – 36 Hvan Ui Jo.Bangladesh — Napal 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)