O‘tgan bir hafta ichida (8-noyabrdan 15-noyabrgacha) dunyo bo‘yicha 3,99 million kishi koronavirusga chalingan, deb yozadi “Kommersant” Jahon sog‘liqni saqlash tashkilotiga tayanib. Bu pandemiya boshidan buyon qayd etilgan eng yuqori ko‘rsatkichdir. Shuningdek, rekord darajada ko‘p — 60 mingdan ortiq bemor vafot etgan.
Bir hafta ichida eng ko‘p kasallanish holatlari qayd etilgan mintaqalar quyidagicha:
- Yevropa — 1,85 million (-9%);
- Shimoliy va Janubiy Amerika — 1,45 million (+41%);
- Janubi-sharqiy Osiyo — 374 ming (-4%).
Dunyoda koronavirusga chalinganlarning jami soni 15-noyabr holatiga ko‘ra, 53,7 million kishiga yetgan. Pandemiya boshidan buyon kasallikdan 1,3 million kishi vafot etgan.
Kasallanganlar soni bo‘yicha haftalik rekordlar oktabr oxiridan buyon bir necha marta kuzatildi. Xususan, 26-oktabrdan 1-noyabrgacha 3,3 million, 2-noyabrdan 8-noyabrgacha 3,6 milliondan ortiq kishida COVID-19 aniqlangan edi.
15-noyabr kuni bir sutkada COVID-19’ga chalinish bo‘yicha ketma-ket 2-kun rekord qayd etilgani xabar berilgan edi.
Izoh (0)