“Bozorni egallashi mumkin”. Ekspert “VKontakte”ning O‘zbekistondagi istiqbollari haqida

“Yandeks”ning O‘zbekistondagi mintaqaviy direktori sifatida bir necha yil ishlagan, hozirda “Sitimobil” biznesini rivojlantirish bo‘yicha direktori Yevgeniy Lukyanchikov “VKontakte” ijtimoiy tarmog‘ining O‘zbekistondagi istiqbollariga oid fikrlari bilan bo‘lishdi, deb xabar beradi Spot.

Avvalroq “VKontakte” ijtimoiy tarmog‘i O‘zbekistondagi vakili uchun bo‘sh ish o‘rnini ochgani, ular platformani ma’no va mahsulot jihatidan mahalliylashtiradigan mutaxassisni qidirayotgani to‘g‘risida xabar berilgandi.

Lukyanchikovning ta’kidlashicha, O‘zbekistonda 20 million internet foydalanuvchi Telegram’ga “qamalib” qolgan va u yerda rivojlanish imkoniyatlari muvaffaqiyatsiz davom etmoqda.

Uning fikricha, O‘zbekistonda kontent yaratayotganlar nisbatan ko‘p emas. Bunga ishni boshlash vaqtida e’tibor qaratish kerak va auditoriya bilan nima bo‘lishini oldindan o‘ylab qo‘yish lozim.

“Ha, bugungi kunda O‘zbekistonda ushbu yo‘nalish u qadar rivojlanmagan, biroq men buning faqat pilus taraflarini ko‘ryapman — moslashish emas, yaratish imkoniyati. Agar ‘VKontakte’ga faqat ijtimoiy tarmoq sifatida qaralmasa, auditoriya — mamlakat ichidagi butun auditoriya.

Menimcha, hozirda platforma kompaniyaning ushbu bozorga qiziqishi kamligi sabab mamlakatda u qadar mashhur emas. Ta’kidlash kerakki, Facebook, Instagram va boshqa ko‘plab global hamda lokal ishtirokchilari yetakchilikka erishish istagidan ancha uzoqda (Telegram istisno)”, — deydi eskpert.

Yevgeniy Lukyanchikov tavakkal qilib, “VKontakte” jamoasiga hozirda reklamalar monetizatsiyasi asosida yaratilgan biznes-modelni o‘ylab topishni tavsiya qiladi. Buni u O‘zbekistondagi digital-reklama bozori juda kamligi (yiliga 10-12 million dollar), e-commerce rivojlanmagani (yo‘qligi) bilan izohlagan.

“Yaqin yillar ichida kompaniyalar reklama bozorida hech narsa yo‘qotmasligini tushunamiz va qabul qilamiz, shu sababli reklama va maxsus loyihalarni hamkorlik hamda maydonchadagi eksklyuziv kontent uchun saxiylarcha tarqatib, auditoriyani jalb qilyapmiz.

Masalan, ‘ZorTV’da translyatsiya qilingan VK Fest konsertlari, offlayn/onlayn tadbirlarga hamkorlik, mahalliy blogerlar va hamjamiyatlar uchun qiziqarli sharoitlar, O‘zbekiston uchun butun MDHdagi yetakchi va ko‘p sonli jalb qilish vositalari orqali kontent yaratish”, — deydi Lukyanchikov.

Uning so‘zlariga ko‘ra, “VKontakte”da auditoriyaning paydo bo‘lishi bilan mahalliy, o‘ziga xos jihatlarga e’tibor qaratish kerak bo‘lgan kamida bir nechta jihatlar bor — ular miniapplar platformasi, E-Commerce platformasi hamda VK Pay.

Bundan tashqari, ekspertning aytishicha, O‘zbekiston bozori AliExpress uchun — black box va ular “VKontakte” orqali 33 millionli yangi auditoriya ochilishidan xursand bo‘ladi.

Avvalroq Forbes Uzbekistan o‘z faoliyatini to‘xtatgani, uning sayti va uning ijtimoiy tarmoqlardagi akkauntlari avgust oxirlarida yangilanishdan to‘xtagani, sentabrda esa shtat tarqatib yuborilgani to‘g‘risida xabar berilgandi.