Andijon viloyati Andijon tumanidagi dehqon bozorida yong‘in sodir bo‘lganligi haqida xabar berilgandi. Bosh prokuraturaning xabar berishicha, yong‘in yuzasidan jinoyat ishi qo‘zg‘atilgan.
Qayd etilishicha, 2020-yil 17-noyabr kuni soat 21:15 larda Andijon tumani “Sultonobod” mahallasida joylashgan “Yorboshi vodiy savdo” MChJga tegishli bo‘lgan oshxona va savdo do‘konlarining umumiy 692,9 kvadrat metr qismi yonib, taxminan 1 milliard so‘mlik zarar yetkazilgan.
Mazkur holat yuzasidan Andijon tumani prokuraturasi tomonidan Jinoyat kodeksining 259-moddasi 2-qismi “b” bandi (og‘ir oqibatlar kelib chiqishiga sabab bo‘lgan yong‘in xavfsizligi qoidalarini buzish) bilan jinoyat ishi qo‘zg‘atilgan.
Tergov harakatlari olib borilmoqda.
Avvalroq Oqdaryodagi buyum bozorida hamda Asakadagi kiyim-kechak bozorida yong‘in sodir bo‘lgandi.
Izoh (0)