Bugun,

  • USD 11095.31
  • RUB 173.84
  • EUR 10772.44

Amerikaning Ogayo shtatidagi Pataskala shahrida yashovchi yigit bir yil-u uch oy mobaynida o‘z uslubiga rioya qilgan holda 165 kilogramm vazn yo‘qotdi. Bu haqda Daily Mail xabar bermoqda.

Foto: Daily Mail

Foto: Daily Mail

23 yoshli Zaxari Mansi bolaligida ham ortiqcha vaznga ega bo‘lgan, ammo u o‘rta maktabni tugatganidan so‘ng og‘irligi nazoratdan chiqib ketgan. Amerikalik yigit nonushta, tushlik va kechki ovqatga faqatgina fastfud yeguliklarini, ya’ni sakkiz ming kaloriya iste’mol qilgan. Ikki yil ichida u 127 kilogramm vazn to‘plagan. Vaznining eng yuqori pallasida tarozi 317 kilogrammni ko‘rsatgan.

Foto: Daily Mail

Foto: Daily Mail

Keyinchalik Mansi yurishga ham qiynala boshlagan va nogironlar aravachasida harakatlanishga o‘tgan. 2019-yilga kelib, shifokorlardan biri unga semizlik erta o‘limga olib kelishi mumkinligini ma’lum qilgan. Mansi bundan qo‘rqib ketib, hayot tarzini tubdan o‘zgartirishga qaror qilgan.

Endi u maxsus parhez va jismoniy mashqlarga asoslangan rejimda kun kechiradi. Mansi buning uchun sevimli ovqatlarining parhezbop variantlarini ishlab chiqdi va gazlangan ichimliklarni ratsiondan butunlay chiqarib tashladi. “Mening parhezim faqatgina kaloriyani cheklaydi. Men kuniga ikki ming kaloriya va kamida 140 gramm oqsil iste’mol qilaman”, − deydi Mansi.

Foto: Daily Mail

Foto: Daily Mail

U bir yil-u uch oy mobaynida pahez va mashg‘ulotlar yordamda 165 kilogramm vazn yo‘qotdi – bu uning avvalgi og‘irligining yarmidan ko‘pini tashkil etadi. Shu orqali uning nafas qisishi muammosi yo‘q bo‘ldi va o‘zi mustaqil yurishga odatlandi. Mansi parhez qilishda davom etib, 95 kilogramm vaznga erishmoqchi. Uning vazn yo‘qotishdagi yana bir asosiy siri − do‘stlar va hamfikrlarning qo‘llab-quvvatlashidir.

Foto: Daily Mail

Foto: Daily Mail

“Mening hayotim butunlay o‘zgardi. Do‘stlarim, oilam hayratda, ba’zilari meni hatto tanimay qoldi. Ularning barchasi men bilan faxrlanadi. Aksimni ko‘zguda ko‘rib, bu men ekanligimga ishongim kelmaydi, lekin shu bilan birga o‘zimni sevishni ham o‘rganyapman. Men hayotimni qaytarib oldim”, − deydi Mansi. Shuningdek, vazn tashlagandan so‘ng hosil bo‘lgan undagi ortiqcha terini olib tashlash uchun jarrohlik amaliyotini o‘tkazishga to‘g‘ri kelmoqda.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov