Ukrainaning dori ishlab chiqaruvchi yirik korxonasi “Farmak” 2024-yilda O‘zbekistondagi Tashkent Pharma Park farmatsevtika klasterida qattiq dozalash shakllarini ishlab chiqarish zavodini ishga tushirishni rejalashtirmoqda. Bu haqda “Farmak”ning MDH mamlakatlaridagi marketing va sotuvlar bo‘yicha direktori Anton Zubov ma’lum qildi, deb yozmoqda Spot.
“Afsuski, pandemiya tufayli ko‘plab masalalar biz kutganimizdan ancha sekin hal qilinmoqda, ammo biz kompaniya uchun muhim bo‘lgan ushbu loyihada izchil oldinlaymiz”, — dedi Zubov.
Uning so‘zlariga ko‘ra, O‘zbekiston MDH hududida kompaniya uchun eng katta va eng muvaffaqiyatli bozor hisoblanadi — butun mintaqadagi sotuvlarning yarmidan ko‘pi O‘zbekiston hissasiga to‘g‘ri keladi. Undan keyin Qozog‘iston, Belarus va Qirg‘iziston. Zubov “Farmak”ning O‘zbekiston bozoridagi ulushini 2,8 foizga baholab, buni rekord daraja deb atadi.
“Farmak” O‘zbekistonda ishlab chiqarish obyekti qurilishiga 10 million dollar sarmoya kiritishi haqida 2018-yilda ma’lum bo‘lgan. O‘sha yili “Farmak” vakillari kompaniya har yili O‘zbekistonga 20 million dollarlik mahsulot eksport qilayotgani haqida xabar bergan.
Izoh (0)