Davlat soliq qo‘mitasi 1-oktabr holatiga ko‘ra, O‘zbekistondagi soliq to‘lovchilar soniga oid ma’lumotlar bilan bo‘lishdi. Aniqlanishicha, ularning soni deyarli barcha soliq turlari bo‘yicha oshgan.
Spot’ning DSQ ma’lumotlariga tayanib yozishicha, QQS to‘lovchilari va daromad solig‘ini to‘laydigan shaxslar soni ko‘paygan. Yer solig‘ini to‘laydigan jismoniy shaxslar ortgan, shu turdagi soliqni to‘lovchi yuridik shaxslar kamaygan.
Yuridik shaxslar orasida quyidagi soliq turlarini to‘lovchilar ortgan:
- QQS — 62 foiz;
- Daromad solig‘i — 63,7 foiz;
- Mol-mulk solig‘i — 0,9 foiz;
- Suv resurslaridan foydalanganlik uchun soliq — 16,7 foiz;
- Yer osti boyliklaridan foydalanganlik uchun soliq — 36,8 foiz.
Jismoniy shaxslar orasida mol-mulk solig‘ini to‘lovchilar 3,4 foizga, shuningdek, yer solig‘ini to‘lovchilar – 3,3 foizga oshgan. Shu bilan birga, daromad solig‘ini to‘lovchilar kamaygan — 5,1 foizga.
Avvalroq Moliya vazirligi 2020-yil 1-oktabr holatiga O‘zbekiston davlat budjeti daromadlarining ijrosi to‘g‘risida ma’lumotlar bilan bo‘lishgandi. Unda mamlakatdagi rasmiy ishchilarning salkam 43 foizi 1 million so‘mgacha oylik oladigan xodimlar ekanligi qayd etilgan. Bandlik va mehnat munosabatlari vazirligi tahlillariga ko‘ra, 2020-yilning yanvar—iyun oylarida iqtisodiyot tarmoqlarining rasmiy sektorida band bo‘lgan aholi soni 5,5 million kishini tashkil qilgan.
Izoh (0)