Vafot etgan eng boy mashhurlar (fotogalereya)

Forbes jurnali eng ko‘p pul ishlab topgan marhum yulduzlar reytingini e’lon qildi. Jurnal saytida e’lon qilingan ro‘yxatda 2009-yilda vafot etgan Maykl Jekson qatorasiga sakkizinchi marta yetakchilik qilgan.

Ma’lum qilinishicha, xonanda nomidan ishlab topilgan 48 million dollarning 70 foizdan ortig‘i Sony kompaniyasi va Maykl tomonidan tashkil qilingan Mijac Music leyblining uzoq muddatga tuzilgan bitimidan kelib tushgan.

1991-yilda vafot etgan amerikalik yozuvchi Doktor Syuz kitoblari sotuvi hisobiga 33 million daromad bilan reytingda ikkinchilikka loyiq deb topilgan.

Rassom-karikaturachi Charlz Shults yetakchilar orasida uchinchi bo‘lgan. 25 million dollar bilan Arnold Palmer to‘rtinchi, xonanda Elvis Presli esa undan ikki million kam ko‘rsatkich bilan beshinchi deb topilgan.

Kobi Brayant 20 million bilan ro‘yxatda oltinchi, Juice WRLD esa 15 million dollar mablag‘ bilan yettinchi o‘ringa loyiq deb topilgan.

Sakkizinchi o‘rinda 14 million bilan Bob Marli, undan atigi bir million dollar kam daromad bilan esa Jon Lennon to‘qqizinchi bo‘lgan.

O‘ntalik so‘ngidan Prins nomi (10 million) o‘rin olgan.

Reytingda Freddi Merkyuri (9 million) o‘n birinchi, Jorj Xarrison (8,5 million) o‘n ikkinchi bo‘lgan va 8 million daromad bilan Merilin Monro reytingga yakun yasagan.