“Avito.ru” saytida 1970-yilda ishlab chiqarilgan “VAZ-2101” 1,6 million rubl (20 ming dollar) narxida sotuvga qo‘yilgan to‘g‘risida e’lon paydo bo‘ldi — taqqoslash uchun, bu pulga uchta yangi Lada Granta sedanini xarid qilish mumkin. Sotuvchining ta’kidlashicha, “Kopeyka”ning mazkur nusxasi konveyrdan 0001079 raqami orqali sotuvga chiqqan — chakana savdo orqali sotilgan birinchi modellardan biri, deb yozadi Motor.
Sotuvga qo‘yilgan “VAZ-2101” 1970-yilga va 1166 konveyr raqamiga ega. O‘ziga xos jihatlari — emblema va radiator panjarasining dastlabki versiyasi, shuningdek, dastlabki yig‘ilgan 1,5 mingta “Kopeyka”dagi kabi ajralib turgan xuddi Fiat 124’nikiga o‘xshash jamlanma va markirovkalari. E’londagi suratlarga ko‘ra, avtomobil u qadar yaxshi ahvolda saqlanmagan.
Eng birinchi yig‘ilgan “VAZ-2101”lardan biri hisoblanuvchi modelga 59 ot kuchiga ega 1,2 litrli dvigatel o‘rnatilgan bo‘lib, mashina hozirga qadar 60 ming kilometr yo‘l bosgan.
Ushbu nusxa “Avito” orqali sotuvga qo‘yilgan eng qimmat “VAZ-2101” emas. Masalan, 1971-yilda ishlab chiqarilgan va ideal holatda saqlangan “Kopeyka” uchun 1,8 rubl so‘ralmoqda.
Shuningdek, 1970-yilgi “VAZ-2101” 3,5 million (45 ming dollar) rubl narxida sotuvga qo‘yilgani to‘g‘risida ham e’lon mavjud: hozirga qadar 44 ming kilometr yurgan mashinaga ikki kishi egalik qilgan.
Avvalroq deyarli yo‘l bosmagan 38 yoshli “Kopeyka” yangi Lada Vesta Sport narxida sotuvga qo‘yilgani to‘g‘risida xabar berilgandi.
Mavzuga doir: Video: 38 yildan beri ideal holatda saqlangan “Kopeyka”
Izoh (0)