Qarshi shahrining “Navo” mahallasida 7 ta 16 qavatli uy qurilmoqda. Shavkat Mirziyoyev mazkur turar joylarni ko‘zdan kechirdi, deya xabar bermoqda Prezident matbuot xizmati.
Ma’lum qilinishicha, bu hududda jami 39 ta ko‘p qavatli uy barpo etilishi rejalashtirilgan bo‘lib, besh bosqichda amalga oshiriladi.
Ayni paytda birinchi bosqichda 3 ta turar joy qurib bitkazilgan. Qurilishda seysmologiya va arxitektura talablariga alohida e’tibor qaratilgan. Sifatli, energiya tejovchi materiallardan foydalanilgan. Xonadonlarning har biriga alohida suv isitish moslamalari o‘rnatilgan.
Davlat rahbari uylarning qurilish texnologiyasi va sifatiga e’tibor qaratdi. Yong‘in xavfsizligini, kommunal xizmatlar barqarorligini ta’minlash bo‘yicha qo‘shimcha ko‘rsatmalar berdi.
Hudud obodonlashtirilgan, bolalar maydonchasi tashkil etilgan. Yana 4 ta ko‘p qavatli uyni 2021-yil mart oyida foydalanishga topshirish mo‘ljallangan.
Shuningdek, 1680 o‘rinli maktab, 2 ta maktabgacha ta’lim muassasasi, poliklinika, supermarket, sport maydonlari, istirohat bog‘i va boshqa obyektlar barpo etiladi.
Bu yerda avtomobil yo‘llari qurish va ta’mirlash, Qarshi shahrida isitish, ichimlik suvi va kanalizatsiya tarmoqlarini modernizatsiya qilish chora-tadbirlari taqdimoti o‘tkazildi.
Shu bilan Prezident Shavkat Mirziyoyevning Qashqadaryo viloyatiga safari yakunlandi.
Prezidentning Qashqadaryo safariga oid xabarlar:
- Qashqadaryodagi paxsadan qurilgan maktablarni qayta qurish va ta’mirlash uchun respublika budjetidan 250 mlrd so‘m ajratiladi
- Shavkat Mirziyoyevning Qashqadaryoga tashrifi davomida viloyat hokimi o‘rinbosari ishdan olindi. Kasbi hokimi va sektor rahbarlari faoliyati qoniqarsiz baholandi
- “Prezidentimiz jamoamizning har bir a’zosiga 5 ming dollardan mukofot puli berilishini aytdi” – qarshilik yosh tadbirkor bilan suhbat
- “Qashqadaryo eli shunga munosibmi?” Shavkat Mirziyoyev viloyat o‘z salohiyatiga mos yashamayotganini keskin tanqid qildi
- Shavkat Mirziyoyev Qarshi shahridagi Korxonalarni sog‘lomlashtirish va xususiylashtirish klinikasiga tashrif buyurdi
- “Ta’limdagi ishlar ham, tibbiyotdagi ham igna bilan quduq qazishdek gap” — Shavkat Mirziyoyev
- Shavkat Mirziyoyev Qashqadaryoda “og‘ir ahvolda”gi melioratsiya, kartoshkachilik, uzumchilik uchun dasturiy mahsulotlar ishlab chiqishni taklif qildi
- Shavkat Mirziyoyev Qashqadaryoning paxta yetishtiradigan to‘qqizta tumanida Shahrisabz shahridagidek to‘qimachilik kombinatlari tashkil etish haqida topshiriq berdi
Izoh (0)