Flagman smartfonlarni o‘ziga xos uslubda bezash bilan tanilgan Rossiyaning Caviar brendi Apple Watch Series 6 “aqlli” soatlar kolleksiyasini taqdim etdi, deb xabar beradi IXBT.
Apple Watch 6 Limited Edition nomini olgan kolleksiya titan, oltin va brilliant kabi noyob qimmatbaho toshlar bilan bezatilgan to‘rtta modeldan iborat. Tasmalarini yasash uchun esa tabiiy timsoh terisidan foydalanilgan.
Eng qimmat model — Apple Watch 6 Gold Diamonds. O‘z nomiga mutlaqo mos bo‘lgan soat korpusi 750 probali oltin va 100 dan orti brilliantlarga ega bo‘lgan.
Besh nusxada ishlab chiqariladigan modelning narxi qariyb 3 million rubl (39 ming dollar). Shunchaki taqqoslash uchun — bu pulga 73 ta iPhone SE xarid qilish mumkin. Seriyadagi qolgan modellar narxi 229 ming rubldan (3 ming dollar) boshlanadi.
Mavzuga doir: Caviar kompaniyasi iPhone 12 Pro Limited Edition — Musk be on Mars smartfonini taqdim etdi
Izoh (0)