Hindistonda koronavirusga qarshi Covaxin vaksinasi sinovining uchinchi – yakuniy bosqichi boshlandi, deb xabar bermoqda “Kommersant” NDTV’ga tayanib. Preparat Bharat Biotech kompaniyasi tomonidan Hindiston tibbiy tadqiqotlar kengashi (ICMR) bilan hamkorlikda ishlab chiqilgan.
Vaksina sinovi Hindistondagi 25 ta tibbiy markazda 26 ming nafar ko‘ngillida o‘tkaziladi. Ishtirokchilarga yo‘l xarajatlari to‘lanadi, boshqa imtiyozlar ham ko‘zda tutilgan.
Covaxin vaksinasi 800 ga yaqin kishi ishtirok etgan dastlabki ikki bosqich muvaffaqiyatli yakunlangandan so‘ng tasdiqlangan.
Hindistonda yana ikkita vaksina sinovdan o‘tkazilmoqda: Covishield (Oksford universiteti va Britaniya–Shvetsiyaning AstraZeneca kompaniyasi tomonidan ishlab chiqilgan) va ZyCoV-D (Hindistonning Zydus Cadila farmatsevtika kompaniyasi tomonidan ishlab chiqilgan).
Oktabr oyida Hindiston Rossiyaning “Sputnik V” vaksinasi klinik sinovlarining ikkinchi va uchinchi bosqichlari o‘tkazilishini ma’qullagandi.
Izoh (0)