2020-yil 1-oktabr holatiga ko‘ra, O‘zbekistonda mobil aloqa tizimiga ulangan abonentlar soni 24,8 million kishini tashkil etib, 2019-yilning mos davriga nisbatan 6,9 foizga yoki 1,5 millionga o‘sgan. Bu haqda Davlat statistika qo‘mitasi ma’lumotlarida keltirilgan.
Ma’lum qilinishicha, aholi bo‘yicha ko‘rsatkich 23,3 million abonentni tashkil etib, o‘tgan yilning mos davriga nisbatan 3,8 foizga yoki 852,2 ming abonent soniga oshgan.
Mobil aloqa tizimiga ulangan eng ko‘p abonentlarga ega bo‘lgan hududlar:
- Toshkent shahri – 4,8 million abonent;
- Farg‘ona viloyati – 2,8 million abonent;
- Samarqand viloyati – 2,3 million abonent;
- Andijon viloyati – 2,1 million abonent.