Futbol bo‘yicha Belarus chempionatining 28-turida “Energetik-BGU” 8-noyabr, yakshanba kuni “Belshina” maydoniga safar qildi.
Uchrashuvning 18-daqiqasida Dushan Bakich mehmonlarni oldinga olib chiqdi. 34-daqiqada Humoyunmirzo Iminovning uzatmasidan keyin Ayk Musaxanyan jamoasining ikkinchi golini urdi.
Ikkinchi bo‘lim debyutida Yevgeniy Yudchits hisobni yirik ko‘rinishga olib kelgan bo‘lsa, 82-daqiqada Musaxanyan dublini nishonladi. O‘yin yakunlanishi arafasida maydon egalari bitta to‘p bilan javob qaytarishga muvaffaq bo‘ldi. Hakam tomonidan qo‘shib berilgan vaqtda Shahboz Umarov jamoasining beshinchi golini urib, yakuniy hisobni o‘rnatdi.
Shu tariqa besh o‘yindan iborat g‘alabasiz seriyaga nuqta qo‘ygan “Energetik” ochkolarini 38 taga yetkazib olgan holda 9-o‘ringa ko‘tarildi. “Belshina” (21) esa ligada jon saqlab qolish imkoniyatidan deyarli mahrum bo‘ldi.
Belarus chempionati
28-tur bahsi
8-noyabr, yakshanba
“Belshina” — “Energetik-BGU” 5:1
Gollar: 0:1 – 18 Bakich, 0:2 – 34 Musaxanyan, 0:3 – 47 Yudchits, 0:4 – 82 Musaxanyan, 1:4 – 87 Rekish, 1:5 – 90+2 Umarov.“Belshina”: Xaritonovich, Kovalevskiy (Butakov, 76), Kirisov, Kuchinskiy (Nechayev, 57), Odeoibo, Sazonovich, Bordukov, Rekish, Solanovich (Glebko, 62), Kovel, Levitskiy.
“Energetik-BGU”: Lesko, Svirepa, Yudchits, Miroshnikov, Sokol, Bakich (Umarov, 71), Nosko, Girs, Bashilov, Iminov (Sovpel, 55), Musaxanyan.
Ogohlantirishlar: Nosko (23), Rekish (27), Kovalevskiy (29), Glebko (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)