Duatlon bo‘yicha O‘zbekiston chempionati munosabati bilan Toshkentning bir qator markaziy ko‘chalari qisman yopiladi

Toshkentning bir qator markaziy ko‘cha qismlari yopiladi, deya xabar bermoqda Toshkent shahar hokimligi.

Duatlon bo‘yicha O‘zbekiston chempionati o‘tkazilishi munosabati bilan 8-noyabr kuni soat 07:00 dan 13:00 gacha quyidagi yo‘l qismlari harakatlanish uchun yopiq bo‘ladi:

• Qoratosh ko‘chasi—Samarqand Darvoza (Samarqand Darvoza SKM) ko‘chasidan Xalqlar do‘stligi maydoni yo‘nalishida;

• Islom Karimov shohko‘chasi—Olmazor (“O‘zbekiston” metro bekati) ko‘chasidan Xalqlar do‘stligi maydoni yo‘nalishida;

• Bobur ko‘chasi—O‘rikzor (O‘zbek tili va adabiyoti universiteti, “Rakat” mahallasidan chiqish) ko‘chasidan;

• Sport tadbirlari o‘tkaziladigan butun yo‘nalish. O‘z ichiga Islom Karimov, Furqat, Seul, Bunyodkor ko‘chalarining qismlarini oladi (Seul ko‘chasidan Islom Karimov shohko‘chasigacha bo‘lgan qo‘shimcha yo‘l).

Avvalroq Toshkentdagi Farg‘ona yo‘li ko‘chasining ba’zi qismlari 15-noyabrgacha yopilgani haqida xabar berilgandi.