Ko‘pchilik bulg‘or qalampiri ichiga solingan “nachinka”li taomni xush ko‘radi. Qo‘ziqorin va pishloq solingan mazali kartoshkalar ham dasturxonni bezatadi, ham oila a’zolarga ma’qul keladi.
Kerakli mahsulotlar:
- Kartoshka − 3-5 dona;
- Qo‘ziqorin − 5-7 dona;
- Pishloq − 100 gramm;
- Qaymoq − 100-150 ml;
- Piyoz − 1 dona;
- Sarimsoq − 2 bo‘lak;
- Zaytun yog‘i, sariyog‘, tuz va ziravorlar.
Mahsulotlar ajratib olinadi.
Qolip yog‘lanadi, kartoshkalar yuvilib, so‘ngra tuz sepiladi. Kartoshkalar qizdirilgan pechda pishirib olinadi.
Bu vaqtda mayda to‘g‘ralgan piyoz tovada qovuriladi.
Ustidan to‘g‘ralgan qo‘ziqorin va sarimsoq qo‘shib qovuriladi va qaymoq quyiladi.
Pechdan olingan kartoshka soviganidan so‘ng ichidagi pyuresi ajratib olinadi va sariyog‘ bilan aralashtiriladi.
Kartoshka “qayiqcha”lariga pyure, ustidan qo‘ziqorinli aralashma solinadi.
Ustidan pishloq qirg‘ichdan o‘tkazib, sepiladi va pechga pishloq eriguniga qadar qo‘yiladi. Tayyor bo‘lganidan so‘ng dasturxonga tortiladi.
Yoqimli ishtaha!
Izoh (0)