Shou-biznes vakillarining farzandi mashhur onalariga qanchalik o‘xshashini bilish uchun ularning suratlariga nazar tashlash kifoya.
Mila Yovovich va Ever Gabo Anderson
Mila Instagram sahifasiga 12 yashar qizining suratini joylashni boshlaganidan keyin muxlislari uni onasiga quyib qo‘ygandek o‘xshashiga amin bo‘lgan. Uning ko‘zlari, tabassumi rostan ham onasi bilan bir xil. Qolaversa, Ever ham onasi 90-yillarda onasi tushgani singari Jalouse jurnali muqovasiga suratga tushgan. Ever filmlarda suratga tushishni ham boshlagan u “Qora beva”, “Piter Pen” singari filmlarda rol ijro qilgan.
Monika Beluchchi va Deva Kassel
Monika va Vensan Kasselning qizi endigina 15 yosh bo‘lishiga qaramay, allaqachon mashhurlikka erishgan. Deva rostan ham onasining yoshligiga ikki tomchi suvdek o‘xshaydi. U ham onasi singari Dolce & Gabbana brendi bilan shartnoma imzolagan.
Sindi Krouford va Kaya Gerber
Sindi Krouford va Rendi Gerberning qizi 10 yoshidan model sifatida suratga tusha boshlagan. Shundan buyon uni onasi bilan taqqoslanib kelinadi. 18 yoshida u onasining obrazini takrorlagan va shundan keyin uni Kroufordga o‘xshatish kuchaygan. Yosh model allaqachon Calvin Klein, Prada, Chanel va Fendi brendlari bilan hamkorlik qilishga ulgurgan, Instagram sahifasida esa 5,5 milliondan ortiq kuzatuvchisi bor.
Riz Uizerspun va Ava Filipp
20 yashar Ava Filipp Rizning xuddi o‘zi. Ko‘rinish borasida o‘xshagani bilan uning qarashlari va tanlovi onasinikidan farq qiladi. U onasidan farqli ravishda badiiy maktabda o‘qiydi va kelajakda o‘zini dizayner va model sifatida ko‘radi.
Vanessa Paradi va Lili Rouz Depp
Vanessa Paradi va Jonni Deppning muxlislari qizi kimga ko‘proq o‘xshashi borasida ko‘p bahslashadi. Ammo uning suratlariga nazar tashlansa, ko‘proq onasiga o‘xshashini bilish mumkin. Lili ham tez-tez Vanenessaning obrazlarini takrorlab turadi. 21 yoshli Lili kinoda suratga tushgan, Karl Lagerfeld bilan ishlagan, shuningdek, Chanel bilan ham hamkorlik qilgan.
Meril Strip va Memi Gammer
Meril Strip va Don Gammerning katta qizi tashqi ko‘rinishiga nazar tashlab onasiga o‘xshaganini bilish qiyin emas. Meril ham yoshligida shunday ko‘rinishga ega bo‘lgan. Shunga qaramay “Oskar” mukofoti sovrindorining 37 yashar qizi onasichalik mashhur emas.
Izoh (0)