Toshkent shahar Mirobod tumanida ota o‘zining sobiq turmushidan bo‘lgan farzandi uchun to‘lanishi kerak bo‘lgan aliment pulini oldindan bir vaqtning o‘zida to‘ladi, deya xabar bermoqda Majburiy ijro byurosiga tayanib “Xabar.uz”.
Qayd etilishicha, fuqarolik ishlari bo‘yicha Mirobod tumanlararo sudining A.V.dan V.K. (ayol) foydasida bir nafar voyaga yetmagan farzandi uchun aliment, go‘dak uch yoshga to‘lguncha moddiy ta’minot undirish haqidagi sud hujjati ijro etildi.
Majburiy ijro byurosining Yashnobod tuman bo‘limi davlat ijrosi Sh. Sharafutdinov fuqaro A.V. hammasi (moddiy ta’minot va aliment) bo‘lib 429 million 387 ming 500 so‘m aliment puli to‘lashi kerakligini ma’lum qilgan. Fuqaro A.V. pul miqdorining hammasini oldindan bir vaqtning o‘zida to‘lashini ma’lum qilgan.
Shu sababli ushbu ijro hujjati amalda tugatilgan.
Avvalroq Qashqadaryolik ota 260 million so‘mlik aliment pulini oldindan to‘lagani, buxorolik erkak ikki xotiniga birdaniga 810 million so‘mdan ortiq alimentni oldindan to‘lab bergani va Qashqadaryoda 4 nafar farzandi uchun aliment to‘lovchi ota Damas’ini sobiq xotinining nomiga rasmiylashtirib bergani haqida xabar berilgandi.
Izoh (0)