Udon − yapon bug‘doy unidan tayyorlangan lapsha. Sabzavotlar qo‘shib tayyorlanadigan vitaminlarga boy udon lapsha taomi tushlik yoki kechki ovqat uchun ayni muddao.
Kerakli mahsulotlar:
- Mol go‘shti − 200 gramm;
- Piyoz − 100 gramm;
- Bulg‘or qalampiri − 200 gramm;
- Sarimsoq − 10 gramm;
- Lapsha (udon) − 150 gramm;
- Chili sousi − 50 gramm;
- Soya − 20 gramm;
- Kunjut − bir chimdim;
- Tuz va ziravorlar.
Kerakli mahsulotlar ajratib olinadi.
Piyoz va bulg‘or qalampiri somoncha shaklida to‘g‘raladi, sarimsoq maydalanadi.
Mol go‘shti ham shu shaklda to‘g‘raladi.
Mol go‘shti tovada qovurib olinadi.
Ustidan sabzavotlar solib, qovuriladi.
Ustidan sous solinadi.
Qaynatib olingan udan lapsha aralashma ustiga solinib, yaxshilab aralashtiriladi. Biroz dimlab qo‘yiladi.
Tuz va ziravorlar sepiladi. Dasturxonga tortishdan avval ustiga kunjut bilan bezak beriladi.
Yoqimli ishtaha!
Izoh (0)