O‘zbekiston ichki ishlar vazirining shaxsiy tarkib bo‘yicha buyrug‘i bilan Andijon va Farg‘ona viloyatlarida lavozim tayinlovlari amalga oshirildi. Bu haqda Ichki ishlar vazirligi axborot xizmati xabar berdi.

Podpolkovnik Farhodbek Maxsudov Andijon viloyati Andijon tumani IIB boshlig‘i lavozimiga tayinlandi. Tayinlovga qadar Farhodbek Maxsudov Andijon viloyati IIB huzuridagi Tergov boshqarmasi boshlig‘ining birinchi o‘rinbosari lavozimida faoliyat yuritgan.

Podpolkovnik G‘olibjon Alimov Andijon viloyati Jalaquduq tumani IIB boshlig‘i lavozimiga tayinlandi. Tayinlovga qadar G‘olibjon Alimov Andijon viloyati IIB Jinoyat qidiruv boshqarmasi, uyushgan jinoyatchilikka va qurol bilan qonunga xilof ravishda muomala qilishga qarshi kurashish bo‘limi boshlig‘i lavozimida ishlagan.

Podpolkovnik Murodjon Qunduzov Farg‘ona viloyati Oltiariq tumani IIB boshlig‘i lavozimiga tayinlandi. Murodjon Qunduzov tayinlovga qadar IIV O‘z xavfsizligi boshqarmasi Farg‘ona viloyati bo‘yicha bo‘limi o‘ta muhim ishlar bo‘yicha tezkor vakili lavozimida ishlab kelgan.