Gruziyada o‘tkazilgan parlament saylovlarida “Gruziya orzusi — demokratik Gruziya” hukmron partiyasi g‘oliblikka erishdi. Bu haqda Markaziy saylov komissiyasi tomonidan e’lon qilingan dastlabki rasmiy natijalarda so‘z boradi, deb xabar qiladi “Gazeta.uz”.
MSK hisob-kitoblariga ko‘ra, hukmron partiya 48 foizdan ortiqroq ovoz to‘plagan. Partiya raisi Bidzinu Ivanishvili dastlabki rasmiy ma’lumotlarni kutib o‘tirmasdan, o‘z tarafdorlarini g‘alaba bilan tabriklagan.
“Yagona milliy harakat” muxolifat partiyasi esa 27 foizga yaqin ovoz to‘plagan. “Yevropacha Gruziya — ozodlik uchun harakat” va “Vatanparvarlar alyansi” partiyalari 3 foizdan ko‘proq ovoz to‘plashga muvaffaq bo‘lgan. To‘qqizta partiya esa 1 foizli ko‘rsatkichdan o‘tgan.
“Gruziya orzusi” mas’ul kotibi Irakliy Kobaxidzening so‘zlariga ko‘ra, parlamentdagi hukmron partiya ayni vaqtda 76 ta mandatga ega bo‘lmoqda. Bu unga yakka o‘zi hukumatni shakllantirish imkonini beradi.
Gruziya muxolifati saylovlarni soxtalashtirilgan deb hisoblamoqda. Muxolifat partiyalar yetakchilari xalqaro kuzatuvchilardan parlament saylovlarini qonuniy deya tan olmaslikni so‘rash niyati.
1-noyabr kuni Tbilisi markazidagi parlament binosi qarshisida muxolifatning norozilik namoyishi bo‘lib o‘tgan. Ularning yetakchilari parlament noroziliklari va 8-noyabr kuni keng ko‘lamli aksiya o‘tkazishni ma’lum qilib, erkin sharoitda yangi saylovlar o‘tkazish talabini qo‘ygan.
Avvalroq Mixail Saakashvili Gruziyadagi parlament saylovida muxolifat g‘alaba qozonsa, mamlakat bosh vaziri bo‘lishga tayyorligini bildirgandi.
Mixail Saakashvili 2015—2016-yillarda Ukrainaning Odessa viloyati ma’muriyatini boshqargan. 2017-yilda o‘sha vaqtdagi Ukraina prezidenti Pyotr Poroshenko bilan nizo tufayli Saakashvili mamlakat fuqaroligidan mahrum qilingandi. 2019-yilda Vladimir Zelenskiy Ukraina prezidentligi uchun saylovlarda g‘alaba qozongach Saakashviliga mamlakat fuqaroligi qaytarib berildi.
Izoh (0)