Toshkent viloyati Chirchiq shahridan karantin qoidalarini buzgan fuqaro unga tanbeh berayotgan IIB xodimiga qo‘l ko‘tardi, deya xabar bermoqda Bosh prokuratura.
Qayd etilishicha, 2020-yil 30-oktabr kuni soat 23:00 da Chirchiq shahri Alisher Navoiy ko‘chasida Milliy gvardiya hamda IIB xodimlari tungi xizmat vaqtida mast holatda karantin qoidalarini buzib, tibbiy niqobsiz turgan fuqaro N.S.ga duch kelgan.
Xodimlar qonunbuzar fuqaroga karantin talablarini eslatib tanbeh berishganida N.S. faol qarshilik ko‘rsatgan holda o‘ng tirsagi bilan IIB xodimi S.A.ning yuz qismiga bir marta urib, tan jarohati yetkazgan hamda xizmat vazifasini bajarishga to‘sqinlik qilgan.
Holat yuzasidan 31-oktabr kuni shahar prokuraturasi tomonidan fuqaro N.S.ga nisbatan Jinoyat kodeksining 219-moddasi 2-qismi (xizmat vazifasini bajarayotgan hokimiyat vakilini qanday shaklda bo‘lmasin, o‘zining xizmat vazifasini bajarish yoki fuqaroviy burchini bajarishdan voz kechishga, shuningdek, qonunga xilof harakatlar sodir etishga majbur qilish) bilan jinoyat ishi qo‘zg‘atilgan.
Avvalroq Namanganda IIB xodimi yerni o‘zboshimchalik bilan egallab olgan fuqaroga tan jarohati yetkazgani haqida xabar berilgandi.
Izoh (0)