Angrenda yuk poyezdi vagonidan ko‘mir o‘g‘irlayotgan shaxs Transportda xavfsizlikni ta’minlash boshqarmasi xodimlari tomonidan ushlandi. Bu haqda IIV Transportda XTBB matbuot xizmati xabar berdi.
31-oktabr kuni soat 00:30 larda Orzu bo‘linmasi XTB, “Angren va Apartak” ko‘mir konlarini qo‘riqlash alohida otryadi, Transportda XTB yo‘lovchi poyezdlarni kuzatish batalyoni xodimlari bilan birgalikda tezkor profilaktik tadbir olib borilgan.
Tadbir davomida 3478-sonli yuk poyezd tarkibi Angren—Qo‘qon yo‘nalishi bo‘yicha harakatlanayotgan vaqtida “Angren—Ko‘l” temiryo‘l bekatlari oralig‘i 7-8 kilometrida 1995-yilda tug‘ilgan, Toshkent viloyati Angren shahar Turkiston ko‘chasida yashovchi X.F. vagonlarga chiqib, ko‘mir mahsuloti ortilgan 3 ta usti yarim ochiq yuk vagonlaridan taxminan 900-1000 kilogramm ko‘mir mahsulotini tushirgan vaqtida aniqlangan.
Holat yuzasidan hozirda tergovga qadar tekshiruv harakatlari olib borilmoqda.
Izoh (0)