Atoqli olim, fizika-matematika fanlari doktori, professor, Sadriddin Ayniy nomidagi Samarqand davlat pedagogika institutining sobiq rektori, jamoat arbobi Ikromov G‘anijon Ikromovich 83 yoshida vafot etdi. Bu haqda professor yaqinlari “Daryo”ga ma’lum qildi.
G‘anijon Ikromov 1936-yilda Jizzax shahrida tavallud topgan. U ko‘p yillar davomida O‘zbekiston Fanlar akademiyasining Yadro fizikasi institutida mehnat qilgan. U yerda katta laborantdan katta ilmiy xodimgacha bo‘lgan lavozimlarda ish olib borgan va 1970-yilda nomzodlik dissertatsiyasini yoqlagan.
Olim 1970-yildan boshlab Sadriddin Ayniy nomidagi Samarqand davlat pedagogika institutida faoliyat yuritgan. G‘.Ikromov 1984-yilda Rossiyada doktorlik dissertatsiyasini muvaffaqiyatli himoya qilib, professor unvoniga sazovor bo‘lgan.
Avvalroq O‘zbekiston xalq shoiri Omon Matjon, taniqli tarjimon Muhammadjon Xolbekov va iqtisodchi olim Ahmad O‘lmasov vafot etgani haqida xabar berilgandi.
Izoh (0)