O‘zbekistonda 2020-yilning yanvar–sentabr oylarida qishloq, o‘rmon va baliqchilik xo‘jaligi mahsulot (xizmat)larining umumiy hajmi 180,1 trillion so‘mni yoki 2019-yilning mos davriga nisbatan 103,4 foizni tashkil qildi. Jumladan, dehqonchilik va chorvachilik, ovchilik va ushbu sohalarda ko‘rsatilgan xizmatlar 174,8 trillion so‘mni, o‘rmon xo‘jaligi 4,5 trillion so‘mni, baliqchilik xo‘jaligi 0,8 trillion so‘mni tashkil qildi. Bu haqda Statistika qo‘mitasi ma’lumot berdi.
YaIM tarkibida qishloq, o‘rmon va baliqchilik xo‘jaligining ulushi 25,7 foizni tashkil etdi.
Yanvar–sentabr oylari yakunlariga ko‘ra, qishloq, o‘rmon va baliqchilik xo‘jaligi mahsulot (xizmat)lari umumiy hajmining 97,1 foizi — dehqonchilik va chorvachilik, ovchilik va ushbu sohalarda ko‘rsatilgan xizmatlar, 2,5 foizi — o‘rmon xo‘jaligi, 0,4 foizi— baliq xo‘jaligi hissasiga to‘g‘ri keladi.
Respublikaning qishloq, o‘rmon va baliqchilik xo‘jaligi mahsulot (xizmat)larining umumiy hajmida Samarqand viloyatining ulushi 12,9 foizni tashkil etdi va hududlar bo‘yicha yuqoriligicha qolmoqda, Toshkent va Andijon viloyatlari bir xil (10,1 foiz) ulush bilan keyingi o‘rinlarni egallashdi. Eng kam ulush esa Sirdaryo viloyati (3,4 foiz), Qoraqalpog‘iston (3,5 foiz) va Navoiy viloyatida (4,6 foiz) qayd etildi.
Ushbu davr mobaynida ishlab chiqarilgan qishloq xo‘jaligi mahsulotlari hajmi 174 trillion so‘mni, shu jumladan, dehqonchilik mahsulotlari — 84,3 trillion so‘mni, chorvachilik mahsulotlari — 89,7 trillion so‘mni tashkil qildi.
Xo‘jalik toifalari bo‘yicha qishloq xo‘jaligi mahsulotlari umumiy hajmining 72,3 foizi — dehqon (shaxsiy yordamchi) xo‘jaliklariga, 24,7 foizi — fermer xo‘jaliklariga, 3 foizi — qishloq xo‘jaligi faoliyatini amalga oshiruvchi tashkilotlarga to‘g‘ri keldi. Barcha hududlarda eng yuqori ko‘rsatkichlar dehqon (shaxsiy yordamchi) xo‘jaliklariga to‘g‘ri kelishi kuzatilyapti.
Dehqonchilik
2020-yilning yanvar—sentabr oylarida yetishtirilgan dehqonchilik mahsulotlarining hajmi 84,3 trillion so‘mni yoki 2019-yilning mos davriga nisbatan 104,3 foizni tashkil etdi. Yetishtirilgan qishloq xo‘jaligi mahsulotlarining umumiy hajmida dehqonchilik mahsulotlarining ulushi 48,4 foizni tashkil qildi.
Chorvachilik
Mamlakatda 9 oy davomida chorvachilik mahsulotlarini yetishtirish hajmi 89,7 trillion so‘mni yoki 2019-yilning mos davriga nisbatan 102,3 foizni tashkil qildi. Yetishtirilgan qishloq xo‘jaligi mahsulotlarining umumiy hajmida chorvachilik mahsulotlarining ulushi 51,6 foizga yetdi.
Hududlar reytingi
2020-yilning 9 oyida qishloq, o‘rmon va baliq xo‘jaliklari bo‘yicha mahsulotlar yetishtirishda viloyatlarning reytingi:
- Qashqadaryoda eng ko‘p donli ekinlar yetishtirilgan (790,2 ming tonna);
- Samarqandda eng ko‘p sabzavotlar yetishtirilgan (1162,5 ming tonna);
- Samarqandda eng ko‘p kartoshka yetishtirilgan (512,1 ming tonna);
- Surxondaryoda eng ko‘p poliz ekinlari yetishtirilgan (195,7 ming tonna);
- Andijonda eng ko‘p meva va rezavorlar yetishtirilgan (417,5 ming tonna);
- Samarqandda eng ko‘p uzum yetishtirilgan (479,0 tonna);
- Qashqadaryoda eng ko‘p go‘sht (tirik vaznda) yetishtirilgan (221,4 ming tonna);
- Samarqandda eng ko‘p sut olingan (982,1 ming tonna);
- Toshkent viloyatida eng ko‘p tuxum olingan (987,2 million dona);
- Xorazmda eng ko‘p baliq ovlangan (7 909 tonna);
- Samarqandda 1,586 million bosh yirik shoxli qoramol bor;
- Qashqadaryoda 4,583 million bosh qo‘y va echkilar bor;
- Toshkent viloyatida 51105 bosh ot bor.
Izoh (0)