Bugun,

  • USD 11095.31
  • RUB 173.84
  • EUR 10772.44

O‘zbekistonda so‘nggi yillarda asosan kuz-qish mavsumi boshlanishi bilan maxsus kiyim-boshdagi shaxslar o‘zlarini davlat yong‘in nazorati organi xodimi sifatida tanishtirib, fuqarolardan “yillik to‘lov” qabilida turli miqdordagi pul mablag‘larini majburiy tarzda yig‘ish holatlari kuzatilmoqda. Favqulodda vaziyatlar vazirligi mazkur holatga munosabat bildirdi.

Foto: “Daryo”

Foto: “Daryo”

Vazirlik tomonidan ma’lum qilinishicha, yuqorida aytib o‘tilgan shaxslarning FVV faoliyatiga hech qanday aloqasi yo‘q. Yong‘in va uning oldini olish bilan bog‘liq tadbirlar uchun vazirlik tizimi xodimlari tomonidan hech qanday pul yig‘imlari, boshqa turdagi to‘lovlar undirilmaydi.

Qayd etilishicha, hozirda O‘zbekistonning turli hududlarida favqulodda vaziyatlar, yong‘inlarning oldini olishga qaratilgan tadbirkorlik subyektlari faoliyat yuritadi. Ularning nizomlarida ham favqulodda vaziyatlarning oldini olish yuzasidan aholiga xizmat ko‘rsatish vazifalari belgilangan.

Shu munosabat bilan Favqulodda vaziyatlar vazirligi aholidan bu borada quyidagilarga e‘tibor qaratishni so‘ragan:

  • xonadonga kelib, o‘zini FVVning quyi tizimlariga o‘xshash tashkilotlar nomlari bilan tanishtirgan shaxslardan, birinchi navbatda, o‘z shaxsini tasdiqlovchi hujjatini taqdim etishini so‘rash;
  • ularning faoliyat turi hamda qanday xizmatlar ko‘rsatishi va ishlarni bajarishiga aniqlik kiritish;
  • ular tomonidan taklif qilinadigan xizmatlarni bajarish faqat fuqaroning roziligi asosida amalga oshirilishi mumkinligini unutmaslik.
Vazirlik tomonidan ta’kidlanishicha, agar xizmat ko‘rsatmasdan yoki favqulodda vaziyatlardan muhofaza qilish yuzasidan biror ishlarni bajarmasdan, majburiy tartibda to‘lov talab qilinsa, fuqarolar o‘z huquqlarini himoya qilish uchun huquqni muhofaza qiluvchi organlarga murojaat etishi mumkin.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
Saakashvilining organizmida margimush topildi — advokat
Mahalliy
Shavkat Mirziyoyev Volodin boshchiligidagi Rossiya parlament delegatsiyasini qabul qildi (foto)