Ozarbayjon prezidenti Ilhom Aliyev Tog‘li Qorabog‘ hududining Ozarbayjon kuchlari egallagan bir qismida muvaqqat maxsus ma’muriyat tuzish haqida buyruq imzoladi, deb yozadi “RBK”.
Prezident saytida e’lon qilingan hujjatga ko‘ra, egallangan hududlarda:
- har bitta tumanda alohida boshqaruvni olib boradigan vaqtinchalik komendaturalar tuziladi;
- Ozarbayjon IIVga komendantlarni tayinlash va komendaturalar faoliyatini tashkillashtirish yuklatildi;
- komendaturalar qoshida tezkor shtab tuziladi, unga Davlat xavfsizlik xizmatlari, FVV, Iqtisodiyot, Qishloq xo‘jaligi, Ekologiya va tabiiy resurslar, Moliya vazirliklari va boshqa idoralar kiradi;
- vaqtinchalik komendaturalar muhim obyektlarni qo‘riqlash, topilgan harbiy texnika, qurollar, o‘q-dorilar, zaharli va portlovchi moddalar, shuningdek, noharbiy texnikani to‘plash, inventarizatsiyadan o‘tkazish va qo‘riqlash, shuningdek, jamoatchilik tartibini saqlash bilan shug‘ullanadi;
- vaqtinchalik komendantlar o‘z navbatida hududlarni minalardan tozalash, josuslik va terrorizm oldini olish, energetik obyektlar holatini baholash, aloqa tarmog‘i yaratish uchun chora-tadbirlar qabul qiladi;
- ushbu hududlarda chiqish va kirishning alohida rejimi joriy qilinadi.
25-oktabr kuni Ozarbayjon prezidenti Ilhom Aliyev 25-oktabr kuni Zangilan, Jabroil va Kubatli tumanlarining bir qator qishloqlari, shuningdek, Kubatli shahri qo‘lga olinganini ma’lum qilgan. Keyinroq Armaniston Mudofaa vazirligi shahar egallanganini tan olgan edi.
Eslatib o‘tamiz, Tog‘li Qorabog‘dagi harbiy harakatlar tinchlikka erishish uchun qilingan uchta urinishga qaramasdan, 27-sentabrdan buyon davom etmoqda.
Izoh (0)