O‘zbekiston tashqi ishlar vaziri Abdulaziz Komilov 29-oktabr kuni mamlakatda diplomatik missiyasini yakunlayotgan Polsha elchisi Pyotr Ivashkevichni qabul qildi, deb xabar bermoqda vazirlik matbuot xizmati.
Uchrashuvda vazir va elchi O‘zbekiston-Polsha ko‘p qirrali aloqalarining hozirgi holati va rivojlanish istiqbollarini muhokama qilgan. Tomonlar, xususan, madaniy-gumanitar hamkorlikni faollashtirishga, xususan, ta’lim sohasidagi aloqalarni kengaytirishga qiziqish bildirgan. Hozirda Andijonda Varshava menejment universitetining filialini ochish loyihasini amalga oshirish masalasi ustida ish ketmoqda.
Uchrashuv yakunida Abdulaziz Komilov elchining ikki mamlakat o‘rtasidagi munosabatlarni mustahkamlash va rivojlantirishdagi faoliyatiga yuqori baho berdi.
Pyotr Ivashkevich 2015-yilning dekabridan Polshaning Toshkent shahridagi diplomatik vakolatxonasiga rahbarlik qilgan.
Avvalroq Bangladeshning O‘zbekistondagi elchisi o‘z diplomatik missiyasini yakunlagani xabar berilgan edi.
Izoh (0)