Bugun,

  • USD 11095.31
  • RUB 173.84
  • EUR 10772.44

Telegram’da UzAuto Motors kompaniyasi tomonidan ishlab chiqarilgan yangi yengil avtomobillarni olib ketayotgan avtovoz avariyaga uchragani tasvirlangan video tarqalgandi. “Gazeta.uz”ning “O‘zavtosanoat” axborot xizmatiga tayanib, xabar berishicha hodisa 24-oktabr kuni Buxoro viloyatidagi A-380 trassada Gazli shahri yaqinida sodir bo‘lgan.

Foto: Telegram

Foto: Telegram

Ikki nafar haydovchi tomonidan navbatma-navbat boshqariladigan MAN avtovozi UzAuto Motors’ning Urganch shahridagi dilerlik markaziga 5 ta Cobalt va 3 ta Nexia olib ketayotgan vaqtida uning tirkamasi “KamAZ” yuk mashinasiga urilgan. Tarqalgan fotosuratlardan “KamAZ”ning qoplangan qum olib ketayotgani oydinlashadi.

Foto: “Gazeta.uz”

Foto: “Gazeta.uz”

Foto: “Gazeta.uz”

Foto: “Gazeta.uz”

“Surishtiruvlar davomida “KamAZ” haydovchisi uxlab qolishi oqibatida boshqaruvni yo‘qotgani, oqibatda ikki yuk mashinasi hamda atovozdagi yengil avtomobillarga shikast yetgani ma’lum bo‘ldi. YTHda haydovchilarning hech biri jarohat olmagan”, — deyiladi xabarda.

Buxoro viloyati Romitan tumani YHXB hodisa yuzasidan tergovga qadar surishtiruv ishlarini olib bormoqda.

Foto: “Gazeta.uz”

Foto: “Gazeta.uz”

Foto: “Gazeta.uz”

Foto: “Gazeta.uz”

Foto: “Exo Uzbekistana”

Foto: “Exo Uzbekistana”

“O‘zavtosanoat” YTH oqibatida jiddiy zarar yetgan UzAuto Motors avtomobillarining mutaxassislar ziyon miqdorini baholaganidan keyin zavodga utilizatsiya qilish uchun yuborilishini bildirgan.

Eslatib o‘tamiz, UzAuto Motors va Monopoliyaga qarshi kurashish qo‘mitasi o‘rtasidagi avtomobil narxlari bilan bog‘liq sud jarayoni 2-oktabr kunidan buyon davom etmoqda. 9-oktabrda o‘tkazilgan sud majlisida UzAuto Motors tovarlar narxini shakllantirish maxfiy hujjatlarga asoslanganini bildirgan va sud 16-oktabrdagi majlisda ishni yopiq tartibda ko‘rishni boshlagan.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
“Sirli odam” — Murali Lal Jalanning Minerva City bo‘yicha intervyusi bahslarga sabab bo‘lmoqda. Lal Jalan aslida kim?
Sport
Bobur Abduxoliqov Belarusda mavsumning eng yaxshi to‘purari va eng yaxshi futbolchisi sovriniga ega chiqdi