Bugun,

  • USD 11095.31
  • RUB 173.84
  • EUR 10772.44

Qashqadaryo viloyatining Koson tumanida yashovchi Jumayevlar oilasi 38 kun paxta terib, 41 million 80 ming so‘m daromad qildi. Bu haqda “Daryo”ga Koson tuman hokimligi axborot xizmati rahbari Dilshod Nabiyev xabar berdi.

Azamat Jumayev.

Azamat Jumayev.
Foto: Koson tuman hokimligi

Ta’kidlanishicha, Koson tumanining “Gulbog‘” mahallasida yashovchi Azamat Jumayev paxta terimida besh nafar oila a’zosi bilan birga shuncha daromadga erishgan.

“Bir kunda 1 million 200 ming so‘m ba’zan 1 million 300 ming so‘mdan pul topyapmiz. Terimda o‘zimdan tashqari, xotinim, ikki nafar o‘g‘lim, qizim va kelinim ham menga ko‘maklashdi”, — deydi oila boshlig‘i Azamat Jumayev.

Foto: Koson tuman hokimligi

Azamat Jumayev terimdan topgan daromadiga katta o‘g‘li uchun uy-joy qurishni, kelinining o‘qishi uchun kontrakt pulini to‘lashni maqsad qilgan.

“Koson tumani “Gulbog‘” mahallasidan to‘rtta oila oilaviy terim ishlarida qatnashib, yaxshi daromad topmoqda, — deydi 81-terim otryadiga biriktirilgan mas’ul Gavhar Jumayeva. — Bular Jumayev Azamat, Jumayev Furqat, Ergashev Izatulla, Karomatov Zohid kabi fuqarolarimizning oila a’zolaridir”.

Foto: Koson tuman hokimligi

Viloyat hokimligining qo‘shimcha qilishicha, mazkur oila daromadi haqida eshitgan viloyat hokimi Zoir Mirzayev Jumayevlar oilasiga rahmat aytib, mehnatkash oila uchun o‘zining maxsus sovg‘asi borligini ma’lum qilgan.

Shuningdek, hokim mazkur oilani namuna qilib ko‘rsatgan Koson tuman hokimligi axborot xizmatiga minnatdorlik bildirgan.

Izoh
Asosiy yangiliklar
Mahalliy
O‘zbekistonda talabalar uchun qishki ta’til muddati belgilandi
Dunyo
Ramzan Qodirovni tanqid qilgan chechenistonlik bloger o‘ldirib ketildi
Mahalliy
O‘zbekistonda so‘nggi sutkada 153 kishida koronavirus aniqlandi