Mashhur filmda Buratinoni gavdalantirgan aktyorning taqdiri qanday kechdi? (foto)

1975-yilda suratga olingan va 1976-yilning 1-2 yanvar kunlari premyerasi bo‘lib o‘tgan “Buratinoning sarguzashtlari” bolalar uchun mo‘ljallangan eng yaxshi filmlardan biri hisoblanadi. Unda bosh qahramon rolini o‘ynagan aktyor haqida ma’lumot berib o‘tamiz.

Karyeraning boshlanishi

Buratino roli 9 yashar Dmitriy Iosifov uchun debyut bo‘lgan. Lekin uning yoshi suratga olish maydonchasidagi murakkab vazifalarni bajarishiga xalaqit bermagan. U kamera qarshisida o‘zini erkin va ko‘p yillik tajribaga egadek tutgan.

Film efir yuzini ko‘rganidan keyin Iosifov juda ham mashhur bo‘lib ketgan. Rejissorlardan turli takliflar kelib tusha boshlagan. 1977-yilda “Qizil qalpoqcha haqida”, 1981-yilda “Sotilgan kulgi”, 1987-yilda“Oshiq bo‘yoqchi haqida hikoya” va boshqa ko‘plab filmlarda rol o‘ynagan.

U kelajagini aktyorliksiz tasavvur qila olmagan va shu sabab ham shu sohada ta’lim olib, turli filmlarda suratga tushishda davom etgan.

Aktyorlik karyerasidan rejissorlikka

90-yillarda Iosifda ijodiy krizis kuzatilgan. U aktyorlikni tashlab rejissorlik bilan shug‘ullangan. U yangi faoliyatini shunchalik yaxshi ko‘rganidan ushbu yo‘nalishda avvalroq ish boshlamaganidan afsuslangan.

Shaxsiy hayot

Aktyor juda ham yosh uylangan va rafiqasi uch o‘g‘ilni dunyoga keltirgan. Yaqindagina 54 yoshni qarshilagan Iosif karyera zinapoyalaridan tobora ko‘tarilib bormoqda. U o‘zini operator sifatida ham sinab ko‘rgan va bu borada ham omadi chopgan.

Uning tanlagan sohasida muvaffaqiyatga erishishida esa rafiqasining ishonchi va qo‘llab-quvvatlashining ham hissasi katta.