Yengil vazn toifasida UFC chempioni Habib Nurmagomedovning amakisi Nurmagomed Nurmagomedov jiyani bokschi Floyd Meyvezer bilan jang qilish ishtiyoqida yonmayotganini aytdi.
“Pul kimga ham kerak emas? Agar kerak emas desam, bu tushunarsiz bo‘lib qoladi. Biroq Meyvezerga qarshi jang oldingi kabi qiziqarli taklif emas. Bir vaqtlar u bilan to‘qnash kelishga qiziqish bor edi. Habib bu jangda ishtirok etish ishtiyoqida yonayotganini ko‘rmadim”, — deydi Nurmagomedov.
24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
UFC 254 musobaqasi barcha janglarini bu yerda tomosha qilish mumkin — video.
Izoh (0)