Bugun,

  • USD 11095.31
  • RUB 173.84
  • EUR 10772.44

Hindistonda o‘rdak o‘z polaponlarini iniga bostirib kelgan ilondan himoya qilish maqsadida jonini qurbon qildi. Parrandalar bilan sodir bo‘lgan videoga Storypick nashri e’tibor qaratgan.

Kadr: YouTube

Kadr: YouTube

Hindiston o‘rmon politsiyasi ofitseri Sudha Ramen o‘zining Twitter’dagi sahifasiga sodir bo‘lgan voqeaning videosini joylashtirgan. Rolik o‘rdak va uning polaponlari yashayotgan o‘raga ilonning sudralib kelayotgani bilan boshlanadi.

Yirtqich reptiliyaning sudralib kelayotganini ko‘rgan o‘rdak qanotlarini qattiq qoqib, o‘radan polaponlarini chiqarib yuborgan. Natijada jo‘jalarga hech qanday shikast yetmagan. Ammo ona o‘rdak omon qolmagan. Video ilon ona o‘rdakni bo‘g‘ayotgani bilan yakunlangan.

Video Twitter’dagi ko‘plab foydalanuvchilarni hayratga solgan. “Ko‘ngilni og‘ritadigan. Hech nima, mutlaqo hech nima ona mehriga teng kela olmaydi”, — deb yozadi foydalanuvchilardan biri. “Voqeadan ko‘zim yoshga to‘ldi. Har bir ota-ona bundan ta’sirlanishi va ilhomlanishi kerak… Polaponlar uchun endi hayot oldingidek bo‘lmaydi… Soniyalar ichida o‘zgarib ketdi”, — deydi boshqa bir foydalanuvchi.

Kadr: YouTube

Kadr: YouTube

Ayrimlar videoni tasvirga olgan inson o‘rdakni qutqarib qolishi kerak edi, deb yozmoqda. “Suratkash ona o‘rdak va uning bolalarini qutqarib qolishi mumkin edi… Mashhurlikka bo‘lgan shafqatsiz ishtiyoq. Yoqimsiz video”, — deyiladi izohlardan birida.

Video aynan qayerda va qachon suratga olingani ma’lum emas.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi