O‘zbekiston hududida 26-oktabr kuni Toshkent vaqti bilan soat 08:10 da zilzila qayd etildi, deya xabar bermoqda FVV Seysmoprognostik monitoring Respublika markazi.
Xabar berilishicha, zilzila Tojikiston–Qirg‘iziston chegarasida sodir bo‘lgan. Zilzila episentri Toshkent shahridan 292 kilometr janubi-sharqiy yo‘nalishdagi masofada joylashgan bo‘lib, o‘chog‘i 10 kilometr chuqurlikda, magnitudasi 4.9 ballga teng bo‘lgan.
Yerosti silkinishlari kuchi Toshkentda (zilzila episentridan 292 kilometr masofada joylashgan) 2 ballni, Namanganda (168 kilometr) 3 ballni, Andijonda (152 kilometr) 3 ballni, Farg‘onada (99 kilometr) 4 ballni, Gulistonda (276 kilometr) 2 ballni, Jizzax (341 kilometr) 2 ballni va Samarqandda (411 kilometr) 2 ballni tashkil etgan.
Avvalroq 6-oktabr, 16-oktabr, 19-oktabr va 21-oktabr kunlari ham O‘zbekistonda zilzila kuzatilgandi.
Izoh (0)