“Real” bosh murabbiyi Zinedin Zidan La Liga 7-turi doirasida “Barselona”ga qarshi kechgan o‘yindagi g‘alabadan (3:1) keyin o‘z fikrlarini bildirib o‘tdi.
Biz uchrashuvni ideal o‘tkazdik va uch ochko qo‘lga kiritdik. Endi tiklanish va g‘alabadan xursand bo‘lish kerak. Biz bu natijadan zavq olamiz, keyin esa seshanba kungi “Borussiya M”ga qarshi o‘yin haqida o‘ylay boshlaymiz, unga yaqin qoldi.Eslatib o‘tamiz, “Real” mazkur o‘yinga qadar La Liga doirasida “Kadis”ga (0:1) va Chempionlar Ligasida “Shaxtyor”ga (2:3) yutqazib qo‘ygandi.So‘nggi vaqtlarda yangragan tanqidlarga to‘xtaladigan bo‘lsam, biz xotirjamlikni saqlashimiz va o‘zimiz bilgancha harakat qilishimiz kerak. Tanqidlarga loyiq emasdik.
O‘yinchilar uchun xursandman, aynan ular maydonda kurash olib boradi. Jamoada xarakter bor. Bu o‘yinda biz uni namoyish qila oldik. Jamoam bilan faxrlanaman, ular uchun xursandman. Bu jamoaviy g‘alaba, uni mukammal o‘yinni namoyish qilgan holda qo‘lga kiritdik.
Zinedin Zidan, “Real” bosh murabbiyi
“Real” ochkolarini 13 taga yetkazib olgan holda musobaqa peshqadamiga aylandi va bitta zaxira o‘yiniga ega.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)