“Real” La Liga 6-turi doirasidagi o‘yinda Kataloniyaga safar qilib “Barselona”ni mag‘lubiyatga uchratdi (3:1).
Madridliklar jamoasi rasmiy o‘yinlardagi umumiy g‘alabalar soni bo‘yicha “Barselona”ni ortda qoldirdi — 97:96. Shuningdek, bu jamoalar o‘zaro 52 marta durang qayd etgan. To‘plar nisbati esa 408:400 “Real” foydasiga.
Jamoalar La Liga doirasida 182 marta to‘qnash keldi. Ularda “Real” 74 ta g‘alaba qayd etgan, 36 bor murosa yo‘li tanlangan bo‘lsa, “Barselona” hisobida 72 g‘alaba mavjud. To‘plar nisbati — 291:289, yana madridliklar foydasiga.
Zinedin Zidan shogirdlari ushbu g‘alabadan keyin ochkolarini 13 taga yetkazib olgan holda musobaqa peshqadamiga aylandi va bitta zaxira o‘yiniga ega.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)