Qozog‘istonda koronavirus infeksiyasiga chalinganlar soni 110 086 kishiga yetdi, deb xabar beradi Tengrinews.

Ma’lumotlarga ko‘ra, mamlakatda hozirga qadar COVID-19 bilan kasallanganlarning 105 493 nafari sog‘aygan, 1811 kishi vafot etgan. Shuningdek, 1-avgustdan buyon Qozog‘istonda 36 567 kishida pnevmoniya aniqlangan bo‘lib, ularning 391 nafari vafot etgan.

Koronavirusga chalinish bo‘yicha holatlar quyidagi hududlarda aniqlangan:

• Olmaota shahri — 14 627;
• Nur-Sulton shahri — 14 395;
• Atirau viloyati — 11 249;
• Qarag‘anda viloyati — 10 480;
• Sharqiy Qozog‘iston viloyati — 9115;
• G‘arbiy Qozog‘iston viloyati — 6953;
• Chimkent shahri — 5222;
• Olmaota viloyati — 5069;
• Jambil viloyati — 4165;
• Shimoliy Qozog‘iston — 4346;
• Pavlodar viloyati — 4131;
• Kostanay viloyati — 3575;
• Aqmo‘la viloyati — 3608;
• Turkiston viloyati — 3405;
• Mang‘istov viloyati — 3378;
• Qizilo‘rda viloyati — 3252;
• Aqto‘be viloyati — 3280.

Avvalroq Qozog‘iston poytaxti Nur-Sultonda aholi orasida COVID-19 kasalligi tarqalishi ortib borayotganligi tufayli 14-oktabrdan boshlab yangi cheklov va karantin choralari joriy etilgani haqida xabar berilgandi.Qirg‘izistonda 24-oktabr holatiga ko‘ra koronavirusga chalinganlar soni 55 144 kishiga yetdi, o‘tgan bir sutkaning o‘zida yana 556 kishida COVID-19 tasdiqlangan. Bu haqda mamlakat Sog‘liqni saqlash vazirligiga tayanib, Kaktus-media xabar berdi.

Koronavirusga chalinish bo‘yicha holatlar quyidagi hududlarda aniqlangan:

• Bishkek — 19 383;
• Chuy viloyati — 6163;
• O‘sh viloyati — 6104;
• Jalolobod viloyati — 6206;
• Issiqko‘l viloyati — 4331;
• O‘sh shahri — 4265;
• Botken viloyati — 4411;
• Norin viloyati — 1805;
• Talas viloyati — 1620.

Qirg‘izistonda hozirga qadar koronavirusga chalingan bemorlarning 47 337 nafari sog‘aygan bo‘lsa, 1130 kishi COVID-19 qurboniga aylangan.Afg‘oniston Sog‘liqni saqlash vazirligining 23-oktabrdagi ma’lumotlariga ko‘ra, mamlakatda koronavirus infeksiyasi bilan kasallanganlar soni 40 387 kishiga yetdi, deb xabar beradi Tolo News.

Hozirga qadar bemorlarning 34 010 nafari sog‘aygan bo‘lsa, 1507 kishi virus asoratlari oqibatida vafot etgan.

Vazirlik ma’lumotlariga ko‘ra, bugungi kunga qadar davlat markazlarida 119 323 marta koronavirusga test olingan.

Tojikistonda o‘tgan bir sutka ichida yana 42 kishida koronavirus aniqlanib, mamlakatdagi COVID-19 bilan kasallanganlar soni 10 695 kishiga yetdi. Bu haqda Central Asia xabar berdi.

Ma’lumotlarga ko‘ra, hozirga qadar Tojikistonda koronavirus bilan kasallanganlarning 9782 nafari sog‘aygan, 81 kishi koronavirus qurboniga aylangan. Ayni vaqtda mamlakatda 832 kishi statsionarlarda qolmoqda.

O‘zbekistonda 24-oktabr soat 10:00 holatiga ko‘ra koronavirus infeksiyasi qayd etilganlar soni 64 923 nafarni tashkil etmoqda.

Ayni paytda mamlakatda 62 033 nafar koronavirus infeksiyasiga chalingan fuqarolar (95 foiz) sog‘aygan. Hozirda 2346 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.

Avvalroq SSV huzuridagi shtab O‘zbekistonda koronavirus bilan qayta kasallanish holatlari qayd etilayotgani to‘g‘risida xabar bergandi.