Axborot va ommaviy kommunikatsiyalar agentligida mamlakatda ta’lim-tarbiya tizimini yanada takomillashtirish, ilm-fan sohasini rivojlantirish masalasida qabul qilinishi kutilayotgan Prezident farmoni loyihasi yuzasidan matbuot anjumani bo‘lib o‘tdi.
Anjumanda ishtirok etgan xalq ta’limi vaziri Sherzod Shermatovning qayd etishicha, sinf rahbarligi uchun to‘lovlar 1,5 baravarga oshiriladi. Metodistlarning ish haqi miqdori oliy toifali o‘qituvchining bazaviy tarif stavkasi miqdoriga tenglashtiriladi.
Bitiruvchilarining OTMlarga o‘qishga kirish ko‘rsatkichlari yuqori bo‘lgan umumta’lim muassasalari rahbar xodimlari rag‘batlantiriladi. Shuningdek, xalqaro fan olimpiadalari g‘oliblarning o‘qituvchilariga to‘g‘ridan to‘g‘ri oliy malaka toifasi beriladi.
Vazirning ta’kidlashicha, 2024-yilga qadar yuqori natijalarga erishgan pedagoglarning oylik maoshi mehnatga haq to‘lashning eng kam miqdorining 15 baravarigacha bosqichma-bosqich oshiriladi.
Xalq ta’limi xodimlarini rag‘batlantirish jamg‘armalari tashkil etiladi.
Avvalroq Sherzod Shermatov O‘zbekistonda maktab bitiruvchilarining 6 yillik baholari OTMga kirish imtihonida inobatga olinishini ma’lum qilgandi.
Mavzuga doir: Xalq ta’limi vaziri: O‘qituvchining oyligini 1000 dollarga chiqarmaguncha to‘xtamaymiz
Izoh (0)