Italiyaning Sardiniya orolida joylashgan fermada yashil rangli kuchuk dunyoga keldi. Kuchukka Pista deb laqab qo‘yishgan. Bu haqda Reuters’ga tayanib, “Korrespondent.net” xabar berdi.

Foto: Reuters

Pista bilan birga dunyoga kelgan boshqa aka-ukalarining rangi xuddi onasinikidek — oq.

Yashil rangli it juda kam uchraydi. Fermer Pistadan boshqa kuchuklarning barchasini berib yuborishga qaror qilgan. Pista esa keyinchalik fermadagi qo‘ylarni qo‘riqlashga yordam beradi. Itning egasini so‘zlariga ko‘ra, yashilga rang bu — umid va omad belgisi.

Eslatib o‘tamiz, 2017-yili Buyuk Britaniyada ham yashil junli kuchuk dunyoga kelgandi.