Toshkent shahrida 20-oktabr kuni Mirobod tumani Farg‘ona yo‘li ko‘chasidan “nam asfalt” rangli, davlat raqami 01 V 457 DB bo‘lgan Cobalt mashinasi olib qochilgan. Toshkent shahar IIBB bu ishni sodir etgan gumonlanuvchi kuzatuv kameralariga tushib qolganligini bildirib, ushbu shaxsning suratini e’lon qilgan hamda uni qidiruvga berib, barcha hududiy ichki ishlar organlaridan mazkur shaxsni va transport vositasini aniqlashda ko‘mak so‘ragan.
Toshkent viloyati IIBB YHXB axborot xizmatining ”Daryo”ga xabar berishicha, 1-mintaqaviy hudud 1-otryadi YPX inspektori safdor Feruza Tosheva mazkur holat bo‘yicha berilgan xabarni olib, sinchkovlikni oshirgan.
Inspektor mazkur holat bo‘yicha gumonlanuvchi shaxs olib qochilgan avtomobilda Chirchiq shahridan o‘tayotgan vaqtda uni to‘xtatgan. Gumonlanuvchi bir zumgina dovdirab, nima qilishni bilmay qolgan. Feruza Tosheva hamkasbi safdor Sunnat Umarovni yordamga chaqirgan. YPX xodimlari olib qochilgan transport vositasini va gumondorni qo‘lga tushirgan. Gumondor va transport vositasi Chirchiq shahar IIBga topshirilgan.
Izoh (0)