2020-yil avgustda Oliy Majlis Senati qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala va jazo turlarini qo‘llash jinoyatlari sodir etilishi yuzasidan Bosh prokuratura, Davlat xavfsizlik xizmati va Ichki ishlar vazirligiga parlament so‘rovi yuborgan edi.
Senat raisi Tanzila Norboyeva Senatning sakkizinchi yalpi majlisida qiynoqlar masalasida tegishli qo‘mita nafaqat huquq-tartibot idoralari, balki ommaviy axborot vositalari va blogerlarga ham quloq tutishi kerakligini bildirgan.
Sud-huquq masalalari va korrupsiyaga qarshi kurashish qo‘mitasi xulosalarni nafaqat shu idoralardan ma’lumot olish orqali, balki ommaviy axborot vositalarida e’lon qilinayotgan, blogerlarimiz tomonidan xabar berilayotgan, odamlarning fikri asosida ham xulosalar qilish va tezkor choralar ko‘rish kerak bo‘ladi. Kutib o‘tirish kerak emas, odamlar hozir tezkorlik bilan birpasda xabar beryapti. Bir zumda chiqib ketyapti hozir. Shunga qo‘mita darhol munosabat bildirib borishi kerak bo‘ladi.Norboyeva O‘zbekistonda odamlarni qiynoqqa solish masalasi, ayniqsa, jazoni ijro etish muassasalarida og‘riqli bo‘lib kelgani, O‘zbekiston ayni sohada oxirgi 25 yilda qora ro‘yxatlarda bo‘lganini ta’kidlagan.Tanzila Norboyeva, Senat raisi
“Qiynoqlardan xoli bo‘lish masalasidan biz butkul xalos bo‘ldik, deyish qiyin. Mana, hammamiz yaqindagina Andijonda, Chiroqchida bo‘lgan voqealarning guvohi bo‘ldik”, deydi Norboyeva.
Qiynoqlarga qarshi nafaqat oqibatidan keyin chora ko‘radigan huquq-tartibot idoralari, balki keng jamoatchilik, deputat va senatorlar, joylardagi nodavlat-notijorat tashkilotlar, OAV, fuqarolik jamiyati instituti vakillari faol ishtiroki talab qilinishini ta’kidlar ekan, Norboyeva “Jurnalist va blogerlarimizga minnatdorchilik bildirmoqchimiz. Birinchi navbatda biz shulardan xabarni eshitamiz”, deb qo‘shimcha qildi.
Mavzuga doir:
Izoh (0)