“VKontakte” ijtimoiy tarmog‘i O‘zbekistondagi vakili uchun bo‘sh ish o‘rnini ochdi. Bu haqda “Hh.uz” sayti ma’lumotlariga tayanib, Spot xabar berdi.
“Biz O‘zbekistonda ‘VKontakte’ vakolatxonasini ochishni rejalashtiryapmiz — MDH mamlakatlarida VK bilan hamkorlik munobatlarini mustahkamlashni davom etyapmiz”, — deyiladi e’londa.
Ushbu yo‘nalishni marketing jamoasidagi bo‘lim boshqaradi: ichki OAV, blogerlar, g‘oyaviy yetakchilar, musiqachilar, shuningdek, madaniyat, ta’lim va sport tashkilotlari bilan.
“Bizning O‘zbekistondagi ambassadorimizga aylanadigan va ‘VKontakte’ platformasini ma’no va mahsulot jihatidan mahalliylashtiradigan mutaxassisni qidiryapmiz”, — deyiladi e’lon izohida.
Nima qilish kerak?
- VK’ning manfaatlarini turli auditoriyalarda targ‘ib qilish — biznes, g‘oyaviy yetakchilar, media, IT-hamjamiyati vakillari bilan ishlash;
- “VKontakte” mahsulotini ommalashtirish va foydalanuvchilar faolligini oshirish uchun bozordagi yirik o‘yinchilar bilan loyihalar yaratish;
- Mashhur mualliflarni platformaga jalb etish;
- Marketing va mahsulot jamoasi uchun qayta aloqalarni to‘plash.
- Rossiya va MDHning eng yirik ijtimoiy tarmoqlaridan birining vakiliga aylanish — O‘zbekistondagi mualliflar, kompaniyalar va tadbir tashkilotchilariga VK bilan birga ajoyib loyihalarni amalga oshirishda ko‘maklashish;
- VK’ning mahalliy foydalanuvchilar kutayotgan yangi formati va imkoniyatlariga oid g‘oyalarini cheklovlarsiz amaliyotga joriy etish imkoniyati;
- Ushbu ishlar natijasini millionlab odamlar, jumladan, marketolog-hamkasblar, do‘stlar va yaqinlar ko‘radi.
- Marketing va PR sohasida 3 yillik tajriba;
- Mamlakat IT-bozorini tushuna bilish;
- Media olamida bemalol yo‘nalish ola bilish;
- Muzokaralar o‘tkaza olish, hatto eng murakkab hamkorlar bilan ham yakdil qarorga kela bilish va o‘zaro manfaatli hamkorlikni o‘rnatish;
- Media va ijtimoiy tarmoqlar kesishgan joyda maxsus loyihalar yarata olish tajribasi;
- O‘zbek tilida savodli yozish va so‘zlasha olish.
Izoh (0)