UEFA Chempionlar Ligasi formatini 2024/2025-yilgi mavsumdan boshlab o‘zgartirishi mumkin.
Ta’kidlanishicha, guruh bosqichidagi ishtirokchilar sonini 32 tadan 36 tagacha oshirish varianti ko‘rib chiqilmoqda.
Ushbu holatda kengaytirishning ikkita varianti muhokama qilinadi. Birinchisi — 36 jamoani olti guruhga taqsimlash. Har bir jamoa 10 ta o‘yin o‘tkazadi: 5 ta uyda, yana shunchasi mehmonda.
Ikkinchisi — har bir klub o‘z darajasidagi 10 xil raqibga qarshi 10 o‘yin o‘tkazadi.
The Telegraph xabariga ko‘ra, hozirda ikkinchi variant ko‘proq qo‘llab-quvvatlanmoqda, chunki bu guruh bosqichidagi tomoshabob o‘yinlar sonini ko‘paytirish imkoniyatini beradi va Chempionlar Ligasining yanada qiziqarliroq tus olishini ta’minlaydi.
Qayd etilishicha, yakuniy qaror 2021-yilda qabul qilinadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)