“Barselona” bosh murabbiyi Ronald Kuman Chempionlar Ligasi 1-turidan o‘rin olgan “Ferensvarosh”ga qarshi o‘yin oldidan jamoaning musobaqadagi istiqbollari haqida gapirdi.
Biz xotirjamlikni saqlash uchun musobaqani g‘alaba bilan boshlamoqchimiz. Bu qiyin o‘yin bo‘ladi, “Kamp Nou”da g‘alaba qozonish muhim.Eslatib o‘tamiz, “Barselona” — “Ferensvarosh” uchrashuvi 20-oktabrdan 21-oktabrga o‘tar kechasi bo‘lib o‘tadi. Uchrashuv (Toshkent vaqti bilan) soat 00:00 da boshlanadi.“Barselona” futbolchilari va murabbiylari doimo g‘alaba qozonish uchun bosimni his etib turadi. Biz klubdagi vaziyatdan xabardormiz, jamoadan tashqarida biz ta’sir o‘tkaza olmaydigan masalalar bor. Ammo biz ertangi o‘yinni nekbin kayfiyatda kutmoqdamiz.
Avvalgi Chempionlar Ligasida “Barselona”ga nima yetishmaganini bilmayman. Agar bu mavsumda muvaffaqiyatsizlikka uchrasak, unda buning uchun men javobgar bo‘laman.
“Barselona”da siz Ispaniya va Yevropada chempionlikni qo‘lga kiritish uchun harakat qilishingiz kerak. Ammo kuchli jamoalar ko‘p va siz o‘z darajangizni isbotlashingiz kerak. Klubda bo‘lgan barcha voqealardan so‘ng “Barselona” Chempionlar Ligasining asosiy favoriti hisoblanmaydi, ammo turnirda uzoqqa borishi mumkin.
Ronald Kuman, “Barselona” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)