Bugun,

  • USD 11095.31
  • RUB 173.84
  • EUR 10772.44

Farg‘ona viloyatida fuqarolarning jamoat joylarida karantin qoidalariga amal qilishini va niqob taqib yurishini ta’minlash maqsadida niqob taqmagan fuqarolarni video va fotofiksatsiya orqali aniqlash tizimi joriy etilayotgani to‘g‘risida xabar berilgandi. Viloyat IIB axborot xizmatining ma’lum qilishicha, 17-oktabrdan ushbu amaliyot yo‘lga qo‘yilgan.

Foto: Farg‘ona viloyati IIB

Foto: Farg‘ona viloyati IIB

“Xabar.uz” nashrining yozishicha, 17-oktabr kuni Farg‘ona viloyatida niqobli tartibga amal qilmagan 156 nafar shaxsning foto-video suratlari olinib, tegishli tartibda hujjatlar rasmiylashtirilgan.

“Fotosuratga olingan niqobsiz fuqarolarning shaxsi maxsus bazada aniqlanib, IIO va Davlat sanitariya epidemiologiya nazorati markazi xodimlari tomonidan ma’muriy bayonnoma rasmiylashtiriladi”, — deyiladi xabarda.

Ta’kidlanishicha, ushbu bayonnomalar fuqaroning yashash xonadoniga pochta orqali yuboriladi.

Eslatib o‘tamiz, Ma’muriy javobgarlik to‘g‘risidagi kodeksning 54-moddasiga ko‘ra, karantinli va inson uchun xavfli bo‘lgan boshqa yuqumli kasalliklar paydo bo‘lishi hamda tarqalishi sharoitida vakolatli organning maxsus talablariga zid ravishda jamoat joylarida niqobsiz bo‘lish bazaviy hisoblash miqdorining besh baravarigacha miqdorda jarima solishga sabab bo‘ladi.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi